Sulmuesi argjentinas Lionel Messi shënoi golin e 702-të në Evropë të shtunën dhe kështu kaloi Cristiano Ronaldon për numrin e golave në pesë ligat më të forta evropiane.
Në minutën e 26-të të ndeshjes kundër Nice-s në xhiron e 30-të të Ligës 1 franceze, Messi shënoi golin e tij të 702-të në kampionatet e brendshme evropiane, kupat dhe kompeticionet evropiane, duke kaluar portugezin Cristiano Ronaldo.
Përveç 702 golave, argjentinasi ka shënuar edhe 298 asistime në futbollin europian.
Në karrierën e tij, Messi shënoi 672 herë për Barcelonën dhe 30 herë për Paris Saint Germain dhe me një gol e kaloi Ronaldon, i cili vazhdoi karrierën jashtë Evropës, te Al-Nassr-i saudit.
Ronaldo ka shënuar 701 gola në fanellat e Sportingut, Manchester United, Real Madrid dhe Juventus. /tesheshi.com/
