Sipas Librit të Rekordeve Guinness, motrat nga Japonia janë shpallur binjaket më të vjetra në botë, me moshën përkatëse 107 vjeç e 330 ditë.
Umeno Sumiyama dhe Koume Kodama thyen rekordin e mëparshëm të mbajtur nga motrat binjake japoneze të ndjera Kin Narita dhe Gin Kanie, të cilat gjithashtu mbushën 107 vjet. Kin vdiq në janar 2000, dhe Gin një vit më vonë, në 2001.
Umeno dhe Koume kanë lindur më 5 nëntor 1913, në ishullin Shodoshimi në Japoninë perëndimore, si e treta dhe e katërta nga njëmbëdhjetë vëllezërit e motrat.
Informacioni u publikua për të përkuar me Ditën e Respektit për të Moshuarit – një festë kombëtare në Japoni. Një deklaratë nga Guinness tha se binjakët u njohën si titullarët e rinj më 1 shtator.
Për shkak të pandemisë koronavirus, motrat morën konfirmimin në shtëpitë e pensionistëve në pjesë të ndryshme të Japonisë ku ata aktualisht jetojnë.
Umeno Sumiyama ka katër fëmijë dhe Koume Kodama ka tre. /tesheshi.com/
