Në dy vitet e fundit, shkalla e lindjeve në Gjermani ka rënë ndjeshëm dhe është më e ulëta që nga viti 2009, njoftoi të mërkurën Instituti Federal për Kërkimin e Popullsisë në Wiesbaden.
“Po flasim për një rënie jashtëzakonisht të mprehtë të shkallës së të porsalindurve, në të kaluarën fazat e rënies kanë ndodhur shumë më ngadalë”, thuhet në një deklaratë të Institutit.
Studiuesit përmendin pandeminë e koronavirusit, luftën në Ukrainë dhe inflacionin si arsye të mundshme për rënien e numrit të fëmijëve të lindur.
“Në kohë krizash të shumta si kjo, shumë heqin dorë nga dëshira për të pasur fëmijë”, thotë Martin Bujard, kreu i studimit.
Megjithatë, ai nuk mund të thotë nëse ishte një trend aktual apo fillimi i një periudhe më të gjatë të rënies së lindjeve.
Rënie e vazhdueshme që nga viti 1975
Numri i lindjeve ra nga 1.57 fëmijë për grua në vitin 2021 në 1.36 në vjeshtën e 2023, vlera më e ulët e regjistruar që nga viti 2009.
Pas vitit 1975, lindshmëria në Gjermani ishte në rënie të vazhdueshme, me përjashtim të periudhës 2015-2021, të cilën ekspertët e lidhin me masat e qeverisë për të ndihmuar nënat me fëmijë, por edhe me ardhjen e një numri të madh refugjatësh.
Bashkimi Kristian Demokratik (CDU) i opozitës akuzoi qeverinë për një rënie të papritur të normës së të porsalindurve.
“Kjo rënie e normës tregon një mosbesim të thellë në punën e qeverisë federale dhe pasigurinë që mbretëron mes qytetarëve për shkak të politikës së gabuar”, tha zëdhënësja për çështjen familjare të Unionit Kristian Demokrat CDU/CSU, Silvia Breher.
Kancelari gjerman tha se ishte kundër dërgimit të çdo sistemi armatimi që kërkon përfshirjen e ushtarëve gjermanë.
Numri i vendeve të lira të punës mund të rritet në dy milionë, tha ministri i Ekonomisë dhe Mjedisit Robert Habeck. /tesheshi.com/
