Ylli i famshëm i Hollivudit Lindsay Lohan, e cila arriti në Stamboll javën e kaluar, ka vizituar një familje siriane bashkë me zëvendësministrin për Rini dhe Sport Abdurrahim Boynukalın, në bashkëpunim me Qendrën për Çështje Globale të Bosforit.
Lohan ka shpërndarë një foto të vizitës së saj në Instagram të titulluar: “Bota është më e madhe se pesë”, një frazë e përdorur shpesh nga presidenti Erdogan për të tërhequr vëmendjen për shpërndarjen e pabarabartë të pushtetit dhe mungesës së përfaqësimit të drejtë në Këshillin e Sigurimit të Kombeve të Bashkuara, e cila ka fuqinë e vendimmarrjes për të ndikuar në çështjet botërore.
Lohan vizitoi familjen Hussein në qarkun Sultanbeyli të Stambollit. Familja e tyre është ndër 3 milionë refugjatët të cilët u larguan nga Siria dhe kanë kërkuar azil në Turqi.
Lohan përfundoi postimin e saj me hashtagun #theworldisbiggerthan5, e cila është përdorur vazhdimisht nga presidenti Erdogan, për të tërhequr vëmendjen për pabarazinë globale.
Ajo gjithashtu vizitoi klinikën shëndetësore për refugjatë të administruar nga bashkia Sultanbeyli.
Në një postim të mëparshëm, Lohan ka shpërndarë një foto të flamurit turk me një mesazh vetëdijësues për vuajtjet e refugjatëve në Siri: Filloni të ndihmoni refugjatët të cilët po vuajnë në Siri” ka thënë ajo duke shtuar: stop#massacreinaleppo.
Presidenti Erdoğan ka kritikuar shpesh strukturat e OKB-së, duke thënë se janw pengesë për zgjidhjen e problemeve të vazhdueshme në mbarë botën dhe ka nënvizuar nevojën për përfaqësim më të madh të popujve të shtypur nëpër mbarë botën. /tesheshi.com/
