Aktorja e njohur e Hollivudit, Lindsay Lohan ka vënë shaminë në kokë gjatë një vizite në një kamp refugjatësh në juglindje të Turqisë.
“Kam takuar një aktiviste humanitare të mrekullueshme me emrin Aziza në kampin e refugjatëve në Antep”, ka shkruar Lohan në llogarinë e saj në Instagram, shkruan Hurriyet Daily Neës.
“Ajo më pa të ngazëllyer kur i thashë se shamia e saj është e bukur. Ajo më bëri me dorë dhe më tha: ‘eja me mua’. Unë e ndoqa atë dhe ajo më dhuroi një shami. U ndjeva shumë e prekur dhe e vendosa në shenjë të mirënjohjes dhe vlerësimit për gjithë bujarinë dhe dashurinë që kam marrë nga të gjithë në kamp”, tha ajo.
Gjatë vizitës së saj, Lohan falënderoi qytetin Gaziantep dhe kryebashkiaken e qytetit, Fatma Shahin, e cila përshëndeti yllin e Holivudit.
Ajo gjithashtu përdori hashtagun “# theëorldisbiggerthan5”, një moto që përdoret shpesh nga presidenti turk Rexhep Tajip Erdogan në lidhje me pesë anëtarët e përhershëm të Këshillit të Sigurimit të OKB-së.
Gjatë vizitës së saj, Lohan këndoi këngë me fëmijët refugjatë dhe bisedoi me gratë siriane.
Lohan më parë vizitoi refugjatët sirianë në qarkun Sultanbeyli të Stambollit dhe tha se duhet bërë më shumë për çështjen e tyre.
“Ne mund të bëjmë më shumë për njëri-tjetrin, ne duhet të bëjmë më shumë për njëri-tjetrin. Dhe ne mund të fillojmë duke i dhënë mbështetje Turqisë a cila bëri pjesën e saj në këtë tragjedi të madhe njerëzore që quhet Siria duke mirëpritur 3 milion refugjatë. Ne duhet të bëjmë më shumë, duke filluar nga sot”, tha ajo. /tesheshi.com/
