Lindsay Lohan ka zgjedhur Emiratet e Bashkuara Arabe për të filluar një faqe të re në jetën e saj dhe po e bën këtë duke u larguar nga rrjetet sociale.
Aktorja, e cila ka qenë në qendër të vëmendjes për të gjitha arsyet e gabuara në të kaluarën, në ditët e fundit ka mbyllur profilin e saj në Instagram dhe Twitter duke minimizuar qasjen e saj në Facebook. Faqja e saj në Instagram për momentin nuk ka foto dhe në bio të saj shkruan: ‘Alejkum salam’.
Ylli i filmit “Mean Girls”, e cila ka qenë vizitore e rregullt në Emirate së fundmi dhe ka zgjedhur Dubain si bazën e saj, ka vendosur që të mësojë më shumë në lidhje me kulturën e Lindjes së Mesme.
Sipas raporteve të medias, aktorja planifikon të kalojë këtë vit si vullnetare në kampet e refugjatëve në Turqi dhe ka vendosur të themelojë kompaninë e saj të produksionit, me qendër në Dubai.
Në një intervistë të fundit me Daily Mail, Lohan tha se ajo ishte “shumë e emocionuar për atë që do të sjellë viti i ri”. Ekipi i saj i ri i menaxhimit u shpreh se aktorja është “në një periudhë të ripërtëritjes”.
Muajin e kaluar, aktorja deklaroi për CNN Abu Dhabi se ajo kishte rënë në dashuri me rajonin.
“Kam takuar gra të mahnitshme këtu që janë me të vërtetë të forta dhe më kanë mësuar shumë … Unë mendoj se njerëzit nuk e kuptojnë se sa është e pranueshme për një grua që të jetë grua e fuqishme në Emiratet e Bashkuara Arabe. Kjo është një gjë shumë e vlerësuar”, tha Lohan.
Aktorja u përfol edhe për një konvertim të saj në Islam, pasi ajo është fotografuar tek po mbante një Kur’an për të cilin u shpreh se e kishte dhuratë nga një mik i ngushtë./tesheshi.com/
