Gruaja e presidentit turk Emine Erdogan u ka prezantuar Zonjave të tjera të Para kostume tradicionale turke dhe “pajë” turke në Shtëpinë e Turqisë në New York.
Media athinjote i ka kushtuar vëmendje të veçantë këtij eventi, pasi aty e ftuar ka qenë dhe bashkëshortja e kryeministrit Mitsotakis, Mareva. Aty gjithashtu ishte dhe Linda Rama, bashkëshortja e kryeministrit.
Në fjalën e saj, Emine Erdogan theksoi vlerën simbolike dhe kulturore të sendeve të pajës që bëhen me përkushtim nga gratë në Turqi.
“Artikujt e prikës nuk kanë për qëllim vetëm të plotësojnë nevojat e përditshme, por shërbejnë edhe si vlera të veçanta që shprehin ndjenjat, dëshirat dhe ëndrrat e grave përmes simboleve”, tha ajo.
Në të njëjtën kohë, ajo shpjegoi se tradita e prikës shkon përtej përgatitjes së thjeshtë për shtëpinë e re të nuses – është një përpjekje e komunitetit që përfshin familjen dhe miqtë, që simbolizon unitetin shoqëror dhe solidaritetin.
Çdo fazë, nga krijimi i sendeve të prikës deri te dorëzimi i sëndukut të nusërisë, pasqyron kujtesën kulturore të rrënjosur thellë të Anadollit.
Ajo theksoi gjithashtu se artizanatet tradicionale janë si dokumente të gjalla nga të cilat mund të lexohet një kulturë rresht pas rreshti. /tesheshi.com/
