Kjo vajzë që shikoni në foto ka lindur me një problem shumë të madh shëndetësor. Gjithë organet e saj kanë qenë jashtë trupit dhe ka arritur të shpëtojë falë një qeseje transparente. Millie Bartle ishte ende në barkun e nënës kur mjekët e diagnostikuan me gastroschisi, një defekt i murit abdominal i cili ka si pasojë daljen e organeve jashtë trupit.
Nënës 28-vjeçare, Maria Dennison, mjekët i thanë se ndoshta do të ishte e nevojshme të kryhej një ndërhyrje sapo fëmija të lindte, në mënyrë që ajo të mbijetonte, por që gjithsesi, shpresat për të qenë në jetë ishin shumë të vogla. Gruaja dhe bashkëshorti i saj vendosën të çonin deri në fund shtatzëninë dhe me sa duket, jeta ka treguar se kanë bërë shumë mirë, duke qenë se sot e kësaj dite vajza gëzon shëndet të plotë.
Siç raporton Daily Mail, Millie u mbulua me një qese plastike në pritje të një ndërhyrje kirurgjikale. Kaloi 56 ditë në terapinë intensive dhe më pas u dërgua në shtëpi. Sot është 11 muajshe dhe duket si një vajzë normale, si gjithë bashkëmoshataret e saj. /tesheshi.com/
