E vogla Teegan Lexcen ka lindur në muajin gusht vetëm me një mushkëri dhe një defekt të madh kardiak, por mjekët kanë arritur t’i shpëtojnë jetën në një mënyrë që i ka lënë të gjithë me gojën hapur.
Mjekët në Nicklaus Children’s Hospital të Majemit kanë përdorur Google Cardboard, një pajisje me të cilën mund të ndërtoni një realitet virtual nëpërmjet një kartoni, një palë gërshërë dhe një ngjitësi.
Kostoja? Rreth 20 euro. Kardiokirurgët pediatër, siç raporton Daily Mail, kanë zgjedhur këtë instrument së bashku me aplikimin për iPhone, Sketchfab, një software që krijojnë realitetin virtual në 3D.
Në këtë mënyrë specialistët kanë arritur të krijojnë një simulim virtual të zemrës së dëmtuar të pacientes së vogël, duke e observuar në çdo kënd dhe duke e përballur me mundësi të ndryshme të ndërhyrjes. Pas provave virtuale kanë vendosur të zgjedhin këndin e operimit, duke i shpëtuar kështu jetën vajzës së vogël./tesheshi.com/
