Kreu i NISMA-s, Fatmir Limaj është shrehur i bindur në krijimin e qeverisë së re nga PAN me Haradinajn kryeministër.
Edhe pse shenjat e deritanishme janë që nuk po munden, për shkak të votave të pamjaftueshme, për Limajn kjo do bëhet e mundur,
“Ajo që mund të them është se PAN-i do ta ketë Qeverinë dhe nuk shoh ndonjë mundësi tjetër. Nëse i shikoni rezultate zgjedhore, të gjitha këto të çojnë, se nuk ka rrugë tjetër përveç që zoti Haradinaj të jetë kryeministër, dhe nuk isha futur në fushën e spekulimeve tash për tash.
Ne jemi në fazën fillestare të konsultimit dhe fillimit të krijimit të shumicës. Mos harroni se këtij koalicioni nuk i duhen shumë vota për të pasur një shumicë ose një mundësi për të votuar Qeverinë, dhe tani për tani angazhimi ynë është që kjo të ndodhë”, tha Limaj për REL.
Ndërkohë, një ditë më parë, të vetmit që i janë qasur kandidatit Haradinaj për bisedime lidhur me formimin e qeverisë, kanë qenë përfaqsues të pakicave jo-serbe, gjithsesi pa ndonjë peshë politike. Ndërsa faktorët e tjerë, po i qëndrojnë larg, pavarësisht ftesave të bëra për bisedime. /tesheshi.com/
