Është lënë në burg Orest Sota, njeriu me 800 mijë euro cash në makinë, të cilit iu gjetën dhe dy patenta skafi të ish- ministrit të Rendit, Saimir Tahiri.
Prokuroria mbrojti kërkesën për lënien në burg të 25-vjeçarit, duke deklaruar ndër të tjera dyshimin se sasia e parave të në e tij, janë pikërisht të Saimir Tahirit, që më pas doli se dhe njiheshin me njëri-tjetrin. Kompania e Sotës, ishte marrë me rikonstruksionin e Komisariatit nr. 6 në Kombinat, zonën elektorale të Tahirit.
Sa për paratë, Sota ka dhënë versionin e posedimit për blerjen e një sasie hekuri nga Kurum, ndërsa për patentat, se ato janë harruar aty nga shoferi tij.
E gjithë kjo histori mbetet ende me fill misteri, për llojin e çudive që ofron, si pasojë e disa koinçidencave.
Vetë Tahiri ka refuzuar të flasë për gjithë këtë ngjarje, ndërsa gazetarët e specializuar të kroniës e kanë patur të pamundur deri më tani që të japin një version të ligjur logjikisht mbi rastin “Sota”. /tesheshi.com/
Avokati i Sotës tha se paratë janë të ligjshme dhe produkt i biznesit të pastër të familjes, ndërsa për lejet e lundrimit të ish-ministrit, tha se ato janë harruar aty nga shoferi i Tahirit. Sipas avokatit, Orest Sota nuk kishte dijeni për patentat dhe kjo vërtetohet edhe nga përgjimet.
Në Prokurorinë e Krimeve të Rënda është depozituar një memo nga biznesmeni Lefter Sota, i ati i Orestit, i cili shpjegon me fatura burimin e 863 mijë eurove, si edhe bashkëpunimin mes shoqërisë “Ikona” dhe kompanisë “Kurum”.
Menjëherë pas arrestimit të 25-vjeçarit, të cilit iu gjetën në makinë edhe dy patenta lundrimi të ish-ministrit të Brendshëm Saimir Tahiri, Lefter Sota shpjegoi se shuma e zbuluar në makinë do të lihej si garanci pranë kompanisë “Kurum” për blerje hekuri.
