I mbajtur pas hekurave që prej nëntorit të 2011-s, Sejfulislam Gaddafi, i biri i parapëlqyer i Muammer Gaddafit, udhëheqësit libian të rrëzuar nga pushteti e të vrarë, raportohet të ketë fituar lirinë duke përfituar prej një amnistie.
Një deklaratë nga Batalioni “Ebu Bekr es-Siddiku”, milicia e cila kontrollin Zintanin, një rajon libian në jugperëndim të Tripolit, bën me dije se i biri i Gaddafit u lirua në orët e vona të shtunës.
Sipas BBC-së, kjo milici ka bërë të ditur se ka vepruar me një kërkesë nga qeveria e përkohshme, institucioni qeverisës në lindje të Libisë.
Sejfulislami, më i njohuri dhe më aktivi mes fëmijëve të ish-udhëheqësit libian, do të dënohej me vdekje në mungesë në korrik të 2015-s nga një gjykatë në Tripoli.
Që prej rrëzimit të Muammer Gaddafit, Libia mbetet e përfshirë nga kaosi, me milici rivale dhe me qeveri paralele, autoriteti i të cilave shtrihet në pjesë të veçanta të territorit të vendit. /tesheshi.com/
