Vetëm një ditë ka zgjatur ndalimi i dhjetë marinsave amerikanë nga forcat iraniane pasi ata u futën në ujërat territoriale të Iranit.
Ata u mbajtën në një bazë iraniane gjatë ndalimit të tyre, dhe marina luftarake amerikane njoftoi se nuk kishte shenja se mund të ishin dhunuar.
Rojet Revolucionare e bënë të qartë situatën në një njoftim: “Pasi u pa se hyrja e tyre në ujërat territoriale të Iranit nuk ishte e qëllimshme, dhe pas ndjesës së kërkuar, marinsat amerikanë të ndaluar u lanë të lirë në ujërat ndërkombëtare të Gjirit Persik.”
Mjetet iraniane të informimit kanë raportuar se sekretari amerikan i Shtetit, John Kerry, dhe ministri i jashtëm iranian, Muhammed Xhevad Zarif, kishin qenë në kontakt të vazhdueshëm me njëri-tjetrin. /tesheshi.com/
