34-vjeçarja Ilhan Omar ka bërë histori duke u bërë somalezja e parë amerikane që betohet si ligjvënëse në SHBA.
Omar, një ish-refugjate e lindur në Somali, u zgjodh për të shërbyer në Shtëpinë e Përfaqësuesve për shtetin e Minesotës në zgjedhjet e vitit të kaluar.
Zgjedhja e Omar, e cila është muslimane, erdhi vetëm disa ditë pasi presidenti i zgjedhur Donald Trump akuzoi emigrantët somalezë në Minesota për “përhapjen e pikëpamjeve të tyre ekstremiste”.
Omar është më e vogla nga shtatë vëllezërit e motrat e saj, dhe u rrit në një familje të klasës së mesme. Babai i Ilhan, Nur Mohamed Omar është somalez, dhe ka punuar si trajnues i mësimdhënësve. Nëna e saj ishte nga Jemeni dhe vdiq kur ajo ishte fëmijë. Ajo u rrit më pas nga babai dhe gjyshi i saj. Pas fillimit të luftës civile në vitin 1991, ajo dhe familja e saj u largua nga vendi dhe kaloi katër vjet në një kamp refugjatësh në Kenia. /tesheshi.com/
