Viti që po lëmë pas ka qenë i njohur për një listë raskapitëse të gjërave pozitive dhe negative për komunitetin muslimano-amerikan.
Ndërkohë që retorika e presidentit të sapozgjedhur, Trump duket të ketë kërcënuar në vazhdimësi të drejtat civile të komuniteteve të ndryshme, një pjesë e vogël e ligjvënësve lokalë kanë bërë histori me pasqyrimin e diversitetit në vend.
Njëri prej tyre është Abdullah Hammoud, i cili të mërkurën e 21 dhjetorit bëri betimin mbi Kur’an gjatë një ceremonie në Bibliotekën Henry Ford Centennial Library.
Prezent në audiencë përpos familjes së tij ishin edhe anëtarët e ngazëllyer të komunitetit të tij, të cilët u shprehen jashtëzakonisht krenar me mikun dhe ish-shokun e tyre.
“Ndihem i nderuar që më është dhënë rasti të përfaqësoj vlerat tona, parimet tona dhe familjet tona në Lansing”, tha pos të tjerash Hammoud.
“Ky komunitet, komuniteti Dearborn, i ka siguruar dhe mundësuar familjes sime çdo gjë, që nga liritë sociale e deri te mundësitë financiare”, tha Hammoud. “Kjo zyrë e Përfaqësuesit të Shtetit në një mënyrë do t’më mundësojë që t’ia kthej gjitha këto të mira këtij komuniteti, dhe të sigurohem që brezi i ardhshëm të ketë mundësi më të mëdha nga ato që kam pasur unë dhe bezi im.”
Ai pranoi sfidat me të cilat ai mund të përballet si pakicë demokrate në një Dhomë me shumicë republikane, por tha se do të fokusohet në ndërtimin e koalicioneve për të siguruar që rezolutat me baza fanatike të mos kalojnë.
“Shpeshherë ju duhet të bisedoni me individë të cilët mendojnë ndryshe nga ju,” tha ai. “Kuptoni qëndrimet dhe argumentet e tyre dhe përpiquni të lidheni me ta.”
Rep. Jeremy Moss (D-Southfield), kolegu i Abdullahut, tha se ai ka besim se di shpejt do të kapërcejë çfarëdo pengese të mundshme. “Ndërsa flasim për çështje të rëndësishme, çështjet globale dhe çështjet kombëtare dhe se si ato ndikojnë në Michigan, na ka munguar një zë muslimano-amerikan në diskutim”, ka thënë Moss.
Nëna e Abdullahut shprehu krenarinë e saj të madhe për të birin e saj “ambicioz” dhe “të zellshëm”, duke thënë se ajo gjithmonë kishte theksuar se arritjet e tij të mëdha janë bërë të mundshme vetëm me arsimim.
“Arsimi është pushtet,” tha ajo. “Të gjithë ne duhet të mësojmë që ju mund të bëhemi dikushi në këtë vend, edhe në qoftë se jemi emigrantë. Ky vend është ardhmja jonë është. Ky vend është e ardhmja e fëmijëve tanë”. /tesheshi.com/
