Kryeministri Rama mbrojti ligjin “anti-shpifje” në parlament, pa lëvizur aspak nga pozicioni i tij.
Sipas tij, ligji është mbrojtje e dinjitetit njerëzor e jo cenim i fjalës së lirë.
“Ky është ligj për të garantuar që publiku të mësojë më shumë për atë që thuhet. Nëse një qytetar lexon tërë këto të zeza ka të drejtë të dijë nëse ne këtu jemi të gjithë njëlloj. Po këta të marrin përsipër të lëshojnë që në mëngjes akuza penale dhe të mos japin asnjë llogari dhe ta heqin vullnetarisht artikullin që nuk e provojnë si mund ta pranojmë? Është një xhungël skllevërisht të pasiguruar, që merren sot në punë dhe hidhen nesër, shëmbëlltyrash të paregjistruara, me domain të regjistruar jashtë vendit, që nuk i japin askujt llogari që merr para pa fund dhe nuk paguan asgjë. Xhungël që prodhon urrejtje, dizinformim, dëshpërim. Ligji nuk e cënon asnjë shprehje lirinë e shprehjes, të opinioneve, por garanton mbrojtjen e të drejtave të tua kur të ulin dhe ngrenë si të duan kur mendon me kokën tënde”, theksoi shefi i qeverisë.
Ai nu mbrojt dhe me modelet ndërkombëtare, kur tha se “në SHBA, Byroja e Hetimit ndërhyn pa asnjë vendim gjykate dhe mbyll me urdhër çdo lloj Website dhe çdo lloj përmbajtje që konsiderohet cënuese në shumë aspekte. Në Gjermani është miratuar ligji për përmirësimin e zbatimit të ligjit ekzistues në rrjetet sociale, dhe është sot përpjekja më e suksesshme për të shuar përmbajtjen potencialisht të dëmshme në interneti”.
Rama vijoi duke thënë se “nga analiza e thellë për ligjin, rezulton se ka tre qasje ndaj fyerjes dhe shpifjes. Së pari, 20 shtete, Austria, Belgjika, Çekia, Danimarka, Finlanda, Gjermania, Polonia. Portugalia, Sllovenia, Spanja,. Greqia, Italia, Suedia, Luksemburgu. Malta, Holanda, etj,. parashikojnë fyerjen vepër penale që dënohet me burg. 5 shtete, Qipro, Irlanda, etj, e rregullojnë me pasojat e tyre në legjislacionin civil. Dhe Anglia zbaton gjobën më të lartë 200 mijë stërlina. Bullgaria dhe Franca e parashikojnë vepër penale dhe dënim me gjobë dhe jo me burgim. Legjislacioni më i ashpër ndaj fyerjes dhe shpifjes, është ai i Gjermanisë. Kodi Penal parashikon 11 vepra penale për fyerjen dhe shpifjen, dhe rastësisht është vendi ku ka më pak shpifje, më pak fyerje”.
“Nuk po ju flas për familjen time, as për nënën tim, as për vajzën tonë, as për djalin tim, as për prindërit e Ditmir Bushatit (kritik me ligjin), as për familjarët e atyre që janë pas meje, as për familjarët e taulant ballës, dhe të askujt tjetër mes nesh. Po flas për ata që ndryshe nga ne nuk e kanë një mikrofon për të thënë të drejtën e tyre”, konkludoi Rama. /tesheshi.com/
