Fëmijët e migrantëve që kalojnë kufirin jugor të SHBA në mënyrë të paligjshme mund të ndalohen pa të drejtë ankese, sipas nën një rregulloreje të re të shpallur nga administrata Trump.
Rregullorja e re zëvendëson një marrëveshje që përcakton një kufi lidhur me atë se sa kohë qeveria mund të mbajë në burg fëmijët migrantë.
Masa u njoftua nga Ushtruesi i Detyrës së Sekretarit të Sigurisë Kombëtare Kevin McAleenan dhe do të hyjë në fuqi në 60 ditë.
Ligji tani pritet që të përballet me një sfidë ligjore.
Pse po ndodh kjo?
Zyrtarët e sigurisë vendore besojnë se kufijtë e afateve të ndalimit të familjeve migrante kanë nxitur rritjen e familjeve të Amerikës Qendrore që kalojnë kufirin në SHBA këtë vit.
Ata argumentojnë se rregullorja e re do të rrëzoj pretendimet se sjellja e fëmijëve në SHBA është “pasaportë” për tu çliruar nga paraburgimi pas një periudhe të shkurtër.
Presidenti Trump është ankuar vazhdimisht për “kapjen dhe lirimin” e familjeve migrante sipas rregullave të vjetra.
Verën e kaluar, administrata Trump i ndau fëmijët nga prindërit e tyre si një mjet për të ndaluar emigracionin.
Fëmijët u mbajtën nga Departamenti i Shëndetit dhe Shërbimeve Njerëzore ndërsa të rriturit u burgosën ndërsa prisnin gjyqin për thyerjen e ligjeve të migrimit. /tesheshi.com/
