Ligji për Arsimin e Lartë ishte tema e konsultës që presidenti Bujar Nishani zhvilloi me pedagogë e akademikë për të dalë më pas me një qëndrim nëse do ta dekretojë ligjin e shumëdebatuar dhe për të cilin, Opozita i ka kërkuar bllokimin.
Në tryezën e organizuar, presidenti është shprehur se para se të vëprojë për ta firmosur ose jo ligjin, atij i duhet të dëgjojë palët e interesuara.
“E drejta për t’u arsimuar dhe autonomia e universiteteve janë të drejta themelore. Është tagri im që të garantoj liritë dhe të drejtat bazë, ku ajo për arsim është më e rëndësishmja në një shoqëri”, ka pohuar Nishani.
Sipas Nishanit, ligji që përfshin këto dy shtylla, duhet hartuar patjetër në bashkëpunim me pedagogë e studentë. /tesheshi/
