Nga Miradije Hasani
Ligji për abort në Maqedoni, nga viti 2013 e deri më tani ka hasur në diskutime dhe kufizime në përfshirjen e shoqatave të grave. Ky ligj tani do të pësojë ndryshime, ku fjalën kryesore do ta kenë gratë e jo komisionet e Ministrisë së Shëndetësisë.
Organizatat joqeveritare theksojnë se gjatë viteve të fundit është rritur numri i aborteve ilegale të cilat janë kryer jashtë shtëpive të shëndetit.
Shoqata joqeveritare, vite më parë kanë protestuar disa herë për ndryshimet që solli ligji aktual i abortit, duke thënë se përmes atij ligji gruas i merret e drejta e saj për të zgjedhur nëse do të abortojë fëmijën apo jo.
“Është e nevojshme që t’i shohim të gjitha mekanizmat me të cilat mund të mbrohen të drejtat e grave, gjegjësisht ëdhtë e nevojshme që të shqyrtohen vendimet ligjore për ndërprerjen e shtatëzanisë”, thonë nga Shoqata për të drejtat e grave HERA.
Sipas ligjit actual, aborti lejohet deri në përmbushjen e javës së 10-të shtatzënisë, dhe kjo e drejtë kufizohet vetëm për shkak të shëndetit të gruas. Shpeshherë kërcënimi me burg për mjekët të cilët do të veprojnë kundër me ligjin kanë sjellë në situata të palakmushme dhe të frikshme vetë mjekët.
Tani, Ministria e Shëndetësisë po përgatit draftligj për ndërprerjen e shtatzanisë, kurse sipas ministrit Venko Filipçe, me ligjin e ri vullneti i gruas për abort do të jetë primar.
“Në javën e 12 të shtatzanisë nëna mund të abortojë por vetëm përmes marrëveshjes dhe bisedave me gjinekolgun e saj amë. Nga java e 12 deri në javën 22 do të mund të abortohet atëherë kur do të formohet Komision në të cilin do të ketë Gjinekologë dhe akusherë. Risia tjetër është se pas javës së 22, formohet Komision i cili kyç ekspertë nga fushat tjera përpos gjinekologjisë, si neurokirurg, kardiologë dhe kardikirurgë me qëllim që të vlerësojnë si mund fryti të trajtohet pas lindjes dhe me çfarë suksesi” – deklaroi Venko Filipçe.
Në ligjin aktual është problematike edhe çmimi i abortit që për kategoritë e rrezikuara sociale është e paaritshme. Kardiokirurgët kërkojnë që omisioni i cili do të vendosë ndërprerjen e shtatzanisë të ketë në përbërjen e tij profile të shumta të mjekëve me qëllim që vendimi të jetë sa më i saktë.
Ministria e Shëndetësisë në grupin punues do t’i përfshijë OJQ-të. Ligji i ri i abortit pret konsultimin e fundit nga pjesëtarët e grupit punues dhe më pas të hyjë në procedurë parlamentare për miratim. /tesheshi.com/
