Burrat që kalojnë nëpër rrugët e Francës bëjnë mirë të harrojnë “fishkëllimat” drejt grave, pasi kjo përfundon me gjobë që sillet deri afro 800 euro.
Gjykatat franceze kanë shqiptuar plot 447 gjoba në tetë muajt e fundit, në kuadër të ligjeve të reja që synojnë të mposhtin ngacmimin e grave në rrugë.
Ligjet për parandalimin e ngacmimit të grave kanë kaluar në parlament në muajin gusht, dhe parashohin dënime deri në afro 800 euro.
Ministrja për barazi gjinore Marlene Schiappa tha se numri i rasteve të dënuara tregon se masat e tilla kryejnë punë.
Madje, ajo kritikoi ata që ishin kundër ligjit dhe inkurajoi gratë të denoncojnë ngacmuesit, duke premtuar se nuk ka asgjë për t’u turpëruar nga kjo nismë. /tesheshi.com/
