Parlamenti futet sërish në impas për çështjen e ligjee të reformës në drejtësi, ndaj kreu i tij, Ilir Meta ka ndërprerë menjëherë izitën në Shtetet e Bashkuara të Amerikës, për të mbledhur seancën plenare ditën e nesërme.
Kryetari i Kuvendit, Ilir Meta ka ndërprerë vizitën në Shtetet e Bashkuara dhe është nisur menjëherë drejt Shqipërisë.
Zyra e shtypit të LSI-së thekson se “ndërprerja është bërë “për të sqaruar konfuzionin e krijuar ditëve të fundit që kanë për qëllim prishjen e konsensusit historik parlamentar të 21 korrikut për reformën në drejtësi”.
Meta në SHBA pati një drekë pune në Filadelfia me eurodeputetin Fleckenstein, kreun e PD-së, Lulzim Basha dhe deputetët socialistë: Pandeli Majko dhe Olta Xhaçka.
Në fjalën e dhënë për mediat, Fleckenstein “zyrtarizoi” qëndrimin e Bashkimit Europian për rëndësinë e miratimit të ligjeve të tjera të reformës në drejtësi.
“Ne patëm një drekë të këndshme së bashku edhe me kryetarin e Partisë Demokratike Basha si edhe me përfaqësues të lartë të Partisë Socialiste.
Pas betejës tonë të përbashkët për reformën në drejtësi, gjatë ditëve dhe javëve në vazhdim, jo ne, por ata do të gjejnë një zgjidhje të përbashkët për respektimin e ligjeve” tha eurodeputeti gjerman.
/tesheshi.com/
