Vangjel Dule, njeriu që përfaqëson interest greke në Shqipëri, si kreu i PBDNJ-së, ka shfaqur për të disatën herë osmanofobinë e tij, ose thënë ndryshe turkofobinë e tij, duke e krahasuar kryeministrin Rama me një sulltan. Herë të tjera ka përfolur dhe raportin Rama – Erdogan gjatë goditjeve ndaj të parit të qeverisë, ndërkohë që Beleri e ka pjesë të reagimeve të tij nga burgu asocimin e kryeministrit me presidentin turk.
Duke komentuar një fushatë të paralajmëruar nga Rama për një diskutim publik qytet më qytet të projektbuxhetit 2024, Dule e quajti Ramë si një sulltan që do t’i flasë miletit të tij. Këtu Dule tregon dhe padijen e tij, pos një ligësie, teksa përmend “miletin”. Jo mileti por miletet – sistemi i mileteve – ishte në fakt një ndër unikalitetet historike të Perandorisë Osmane, të pangjashme me asnjë perandori.
Ato ishin popujt që e përbënin perandorinë, të cilat gëzonin të gjitha të drejtat si etnitete, duke përbërë harmoninë e të ndryshmeve brenda perandorisë. Ishin aty dhe grekët e Dules, të cilët nuk arrijnë dhe sot e kësaj dite të artikulojnë qoftë dhe padrejtësinë më të vogël që u kanë osmanët në pesë dekada, duke patur gjithnjë mllef ndaj saj.
Dhe, meqë jemi në kohën e një konflikti në Lindjen e Mesme, brutalitetit izraelit ndaj atij palestineze, i duhet kujtuar Dules se vetëm nën Perandorinë Osmane hebrenjtë gëzuan statusin më të lartë në histori, me kryeqendër Selanikun, ndaj të cilëve Greqia tregoi mizori në 1912-ën, duke i vrarë e përzënë nga qyteti. /tesheshi.com/
