Kosova do të luajë me Maltën, Ishujt Faroe dhe Azerbajxhanin në Ligën e Kombeve që do të jenë pjesë e grupit 3 të Ligës D. Kështu ka vendosur shorti i hedhur në Lozanë të Zvicrës nga legjenda e futbollit bjellorus, Alexander Hleb, i cili në të kaluarën ka luajtur për klube të njohura si Barcelona e Arsenal.
Kosova është në divizionin D, më të ulëtin.
Kosova u përfaqësua nga kryetari Fadil Vokrri, sekretari Eroll Salihu dhe trajneri Muharrem Sahiti. Kundërshtari më i fortë në këtë grup sipas analistëve është Azerbajxhani.
Ndërsa Shqipëria ka rënë në një grup shumë të fortë pasi do të përballet me Izraelin, që e njeh nga kualifikimet e fundit, ku arriti një fitore dhe një humbje.
Kuqezinjtë do të luajnë për herë të parë me Skocinë që është kundërshtari tjetër në këtë grup.
Shqipëria do të jetë në grupin me tri skuadra që është i vetmi në Ligën C, apo kategoria e tretë.
Ndeshjet do të luhen menjëherë pas përfundimit të Kampionatit Botëror ‘Rusia 2018’:
Liga A
GRUPI 1: Gjermani, Francë, Holandë
GRUPI 2: Belgjika, Zvicra, Islanda
GRUPI 3: Italia, Portugalia, Polonia
GRUPI 4: Spanja, Anglia, Kroacia
Liga B
GRUPI 1: Sllovakia, Ukraina, Republika e Çekisë
GRUPI 2: Rusia, Suedia, Turqia
GRUPI 3: Austria, Bosnja dhe Hercegovina, Irlanda Veriore
GRUPI 4: Uellsi, Republika e Irlandës, Danimarka
/tesheshi.com/
