Nëse ndeshjet e ditës së martë u shoqwruan me plot befasi, duelet e së mërkurës patën përfundim të pritur, përjashtuar portugezët e Benfinca-s që u rikthyen me gjah të plotë nga udhëtimi i vështirë përballë Atletico Madrid-it.
Skuadra tjetër e qytetit të Madridit, Reali e ka pasur të thjeshtë të mposhtë mysafirin, Malmon, me dy golat e portugezit Cristiano Ronaldo i cili barazoi me gola legjendën e klubit madrilien Raul Gonzales, (323).
Numër të njwjtë pikësh me Real Madridin ka edhe Paris SG, që në udhëtim mposhti Shakhtar Donetskun, (3-0), dhe të dyja skuadrat me nga gjashtë pikë kryesojnë grupin A.
Manchester United nuk lejon tjetër gabim. “Djajtë” përmbysin gjermanët e Wolfsburg (2-1), për të marrë fitoren e parë në fazën e grupeve. Triumfin e parë e shijoi edhe CSKA Moska që në shtëpi mposhti PSV Eindhoven, (3-2). Në grupin B, situata është tejet e paqartë, pasi pas dy ndeshjeve, gjithë skuadrat kanë nga tre pikë.
Në grupin C, Benfica u përkujdes të surpizojë Atletico Madridin. Pwr pak minuta portugezët ia dolën të përmbysin fqinjët spanjollë (2-1), për të regjistruar fitoren e dytë rradhazi. Astana dhe Galatasaray zhvilluan sfidën e autogolave. Nga katër golat sa u shënuan gjithsej në këtë përballje, tre prej tyre ishin autogola. Megjithatë ndeshja në fund përfundoi me rezultat të barabartë, (2-2).
Juventus nuk sheh pengesë para dhe me lehtësi kalon edhe spanjollët e Sevillas, (2-0). Nënkampionët e Europës me plot meritë kryesojnë grupin D, me gjashtë pikë. Manchester City i falet penaltisë së Sergio Agueros në fundin e ndeshjes për të triumfuar me përmbysje ndaj Borusia Monchendgladbach, (2-1).
/tesheshi.com/
