Duelet e xhiros së dytë të fazës së grupeve në Ligën e Kampionëve kanë filluar me shumë supriza, përmbysje rezultatesh dhe goleada. Bjellorusët e Bate Borisov kanë befasuar Romën duke e mposhtur, (3-2), për më tepër në një ndeshje totalisht të dominuar nga ata.
Në duelin tjetër të grupit E, Barcelona ka përmbysur në dy minuta Bayer Leverkusen, duke dhuruar emocione të shumta tifozëve të pranishëm në Camp Nou dhe kryeson grupin me katër pikë duke lënë prapa farmaceutikët.
Surprizat vijojnë edhe në grupin F, me ç’rast Olimpiakos triumfon në Londër ndaj Arsenalit, (2-3). Një ndeshje shumë dramatike me plot rikthime rezultatesh, por në fund pikët e plota do udhëtojnë për në Greqi, ndërkohë “topiçinjtë” futen në krizë të thellë rezultatesh, me dy humbje rradhazi.
Goleada e mbrëmjes vjen nga Bayern Mynih që “shkatërron” kroatët e Dinamo Zagrebit, (5-0). Favoriti është mjaft i qartë në këtë grup, Bayern Mynih që udhëheq grupin me gjashtë pike, por befason Arsenali që e sheh vetin në fundin e tabelës me 0 pikë.
Porto fiton një ndeshje të çmendur përballë kampionëve të Anglisë, Chelsea. Jose Mourinho del kokëulur nga stadiumi ku kishte filluar historinë e një suksesi që do përcillej në gjithë europën.
Dinamo Kiev në ndeshjen tjetër të grupit G, ka mposhtur në udhëtim Maccabi Tel Aviv, (0-2).
Falë këtij triumfi, Dinamo udhëheq grupin me pikë të barabarta me Porton, nga katër.
Në grupin H, Valencia përmison gabimin e javës së parë, me ç’rast në udhëtim fiton ndaj francezëve të Lyonit, (0-1). Zenit më vështirë seç pritej dalin fitimtar në betejën përballë belgëve të Gent, por që mjaftonë për ti marrë tri pikët e ndeshje dhe për të kryesuar grupin me pikë maksimale nga dy xhirot e para. /tesheshi.com/
