Roma dhe Barcelona firmosin paqen në kryendeshjen e së mërkurës. Kanë mjaftuar dy gola, nga një secila skuadër për të përcaktuar epilogun e kësaj ndeshje, (1-1). Ndërsa supriza e mbrëmjes ishte pa dyshim triumfi i Dinamo Zagrebit përballë Arsenalit (2-1).
Në grupin E, Bayer Leverkusen merr kryesimin në klasifikim pas triumfit bindës ndaj Bate Borisovit (4-1). Serinë e golave në këtë ndeshje e hapi shqiptari, Admir Mehmedi për gjermanët e Leverkusen, që më pas e barazoi serbi Nemanja Milunovic. Në vazhdim Calhanoglu me dy gola dhe Chicharito me një, vulosën triumfin e Leverkusenit. Në sfidën kryesore të grupit, Roma dhe Barcelona nënshkruan barazimin, (1-1). Blaugranasit kaluan në epërsi përmes uruguajanit Luis Suarez, deri sa romakët barazuan përmes Alesandro Florenzit.
Në grupin F, vjen surpriza e përgatitur nga Dinamo Zagreb. Ballkanasit kanë shokuar skuadrën e Arsenalit të cilën e mposhtën minimalisht, (2-1). Serinë e golave e hapi Josip Pivariç dhe e vazhdoi Junior Fernandes. Golin e nderit për “topçinjtë” e realizoi Theo Walcot.
Në sfidën tjetër të grupit, Bayern Mynih triumfoi në udhëtim tek grekët e Olympiakos, (0-3). Me një dopietë Thomar Mueller dhe një gol tjetër të Mario Goetzez, kampioni gjerman fillon misionin e rikthimit të titullit në Mynih.
Grupi G, Chelsea fiton bindshëm ndaj Maçabi Tel Aviv, (4-0). Kjo fitore mban firmat e brazilianëve Ëilliam dhe Oscar, dhe spanjollëve Fabregas e Costa që realizuan golat e trumfit. Në duelin tjetër Dynamo Keiv dhe Porto barazuan (2-2), në një ndeshje dramatike.
Grupi H, Gent dhe Lyon realizojnë nga një gol, për të marrë nga një pikë (1-1). Ndërkohë rusët e Zenit e kanë shokuar Valencian në Mestalla duke e mposhtur (3-2).
/tesheshi.com/
