Anderlechti i trajnerit kosovar Besnik Hasi, është eliminuar në fazën e eliminimit direkt në Ligën e Evropës. Ndodhi kjo pasi në ndeshjen e dytë, humbi nga Dinamo e Moskës në Rusi me shifrat 3:1 derisa ndeshja e parë e luajtur në Belgjikë, ka përfunduar me rezultat 0:0.
Granit Xhaka shënoi gol në pjesën e parë, por në të dytën ishte i pafat. Ai u ndëshkua me kartonin e kuq. Paraprakisht, mesfushori kosovar i Borussia Monchengladbachut kishte një të verdhë, e që në minutën 69 mori edhe të dytin. Xhaka u largua nga loja, pranë rezultatit 2:2 me Sevilen. Ai shënoi golin e barazimit 1:1.
Roma kalon mes telasheve. Është ndërprerë takimi ndërmjet Feyenoordit dhe Romës, e vlefshme për Ligën e Evropës. Shkaktarë janë bërë tifozët që thërrisnin në baza raciste. Në minutën 55 gjyqtari i tregoi kartonin e kuq Mitchell Vredes së Feyenoordit, ndërsa tifozët vendas thërrisnin në fyerje racore. Për këtë arsye është ndërprerë, kur Roma po avancon 1:0. Në pjesën e parë, tifozët vendas hodhën edhe një banane. Ndeshja rifilloi, kurse vendasit barazuan, 1:1. Gervinho në minutën 60 shënoi për 1:2.
Skuadra e Xherdan Shaqirit ka kaluar në turin tjetër pasi ka mposhtur skocezët e Celtikut. Freddy Guarin ka shënuar përmes një ‘projektili’ në minutën 89 për Interin. Skuadra e tij fitoi 1:0 ndaj Celticut, për t’u kualifikuar për në të tetën e finales së Ligës së Evropës.
Në sfidat tjera interesante, Beshiktash ka eleminuar Liverpoolin pas ekzekutimit të penaltive (5:4), pas vazhdimeve. Fiorentina ka eleminuar favoritin Tottehnam me rezultat të përgjithshëm 3:1, ndërkohë vetëm Everton ka ruajtur nderin e anglezëve deri sa ka mposhtur Young Boysat 3:1 për të kaluar në raundin tjetër /tesheshi.com/
