Një takim urgjent i ministrave të jashtëm të Ligës Arabe u mbajt në Kajro, në të cilin u hodh poshtë vendimi i Presidentit Trump për njohjen e Jerusalemit si kryeqytetin e Izraelit.
Kryetari i Lidhjes, Ahmed Aboul-Gheit u bëri thirrje shteteve të botës të njohin shtetin e Palestinës me Jerusalemin Lindor si kryeqytet. Kjo është përgjigja e vendimit të Lidhjes Arabe për presidentin Trump.
Takimi u mbajt në një kohë kur po vazhdojnë protestat në Bregun Perëndimor dhe në Rripin e Gazës për të tretën ditë me radhë.
Njeriu i parë i Lidhjes Arabe tha se vendimi i Trump ishte i rrezikshëm dhe i papranueshëm, dhe e quajti atë një sulm flagrant ndaj zgjidhjes politike të konfliktit izraelito-palestinez.
Ministrat e 22 vendeve arabe shtruan pyetjen nëse Amerika vërtetë e mbështet paqen, dhe treguan në ndryshimin e politikës amerikane të “minimit të besimit të kombit arab” nga ana e administratës së Trump-it duke legalizuar okupimin izraelit të Palestinës.
Udhëheqësit anembanë botës kanë pasur komente të ngjashme mbi vendimin e Trump të mërkurën e kaluar. Shumë vende muslimane po protestojnë kundër këtij vendimi, kurse shumë liderë kanë treguar se ai do të shkatërrojnë përpjekjet për arritjen e paqes.
Ministri i Jashtëm palestinez, Riyad al-Maliki u tha gazetarëve para fillimit të takimit të Kajros, se palestinezët nuk pranojnë Shtetet e Bashkuara si ndërmjetës në procesin e paqes, sepse ky vend u pozicionua si një palë në mosmarrëveshje dhe jo si një ndërmjetës.
Ata bëjnë thirrje për veprim nga Këshilli i Sigurimit të OKB-së, ndërkohë që Al-Maliki tha se “Amerika është një agresor i drejtuar kundër popullit palestinez dhe kundër të drejtës ndërkombëtare”.
Zyrtarët amerikanë, megjithatë, e mbrojtën vendimin e Trump-it, duke thënë se ai mbetet i angazhuar për ringjalljen e bisedimeve afatgjata midis palestinezëve dhe izraelitëve. /tesheshi.com/
