Ish-ministri i Jashtëm i Egjiptit në kohën e presidentit Hosni Mubarak do të jetë sekretari i përgjithshëm i Ligës Arabe. Zgjedhja u bë në takimin e Ligës Arabe në Kajro.
Ahmed Ebul Gejti u zgjodh si sekretar i përgjithshëm me miratimin e të gjithë anëtarëve të organizatës, pasi qe dhe kandidatura e vetme. Ai ka shërbyer si ministër i Jashtëm i Egjiptit në vitet 2004-2011, kur edhe e la postin pas protestave masive.
Sekretari i ri i përgjithshëm do të zëvendësojë në këtë post Nebil el-Arabiun, mandati i të cilit përfundon në korrik. Drejtuesi aktual i Ligës Arabe pari deklaruar më herët se nuk do të kërkonte një mandat tjetër pas përfundimit të aktualit. Nebil el-Arabiu u zgjodh në këtë post në mars të vitit 2011.
Ahmed Ebul Gejti ka lindur në vitin 1942. Ai nisi të punojë në Ministrinë e Jashtme të Egjiptit që nga 1965-a. Në 1999-ën do të caktohej ambasador i Egjiptit në OKB. Detyrë e cila u pasua nga ajo e ministrit të Jashtëm, që e kreu për shtatë vite me radhë. /tesheshi.com/
