Ka patur një koinçidencë dje në zhvillimet e nxehta politike të parlamentit. Monika Kryemadhi, njeriu-simbol i rebelizmit politik kundër zgjedhjes së Kryeprokurores së re të përkohshme, pati një përplasje hem me fjalë e hem me duar, me Ulsi Manjen e PS-së, ish-prokurorin sot deputet, njeriu që u morr me gjithë procesin e procedurat e zgjedhjes së njeriut-pasaradhës të Llallës në krye të organit të akuzës. Dhe që të dy vijnë nga e njëjta krahinë, Dibra.
Dy fshatrat respektivë prej nga e kanë origjinën, janë po në të njëjtën distancë me qytetin, Peshkopinë, 3 km, dhe mbahen si dy fshatra me nivel të lartë jetese dhe prej së cilave dalin në çdo kohë resurse njerëzore cilësore.
Znj. Kryemadhi vjen nga fshati Grevë, ndërsa Ulsi Manja nga fshati Dohoshisht dhe që të dy rrjedhin nga fisa të njohura.
Ndërkohë , në fshatin e znj. Kryemadhi, janë dhe dy fise të tjera, pos Kryemëdhenjve, me mbiemra të çuditshëm, Dyfeku dhe Baruti. /tesheshi.com/
