Presidenti Thaçi përcolli produktin e parë të një vizite në SHBA, duke pozuar politikisht me të dërguarin amerikan për rajonin Matthew Palmer, emrin e të cilit e shkurton në emër afërsisë me të duke e quajtur shkurtimisht Mat.
“Në një darkë pune me të dërguarin e Departamentit të Shtetit për Ballkanin Perëndimor, Mat Palmer, me shefin e Atlantic Council, Damon Ëilson, me përfaqësues nga Senati, Kongresi dhe nga institucionet qeveritare në Uashington biseduam për mundësitë e arritjes së një marrëveshjeje finale me Serbinë, e cila do të sjellë njohje reciproke dhe anëtarësim të Kosovës në Kombet e Bashkuara”, shkruan Thaçi në një status në FB.
Por nga ana tjetër, nga qeveria e re vjen mesazhi se nuk duhet të të jetë ai njeriu që duhet të udhëheqë dialogun këtej e tutje.
Eshtë Abdullah Hoti, zëvëndësi i Albin Kurtit si nr.2 në kabinet, që thotë se drejt marrëveshjes duhet shkojë qeveria.
“Kjo marrëveshje arrihet vetëm përmes një procesi dinamik dialogues të UDHËHEQUR nga Qeveria e Republikës së Kosovës.Ne, si Qeveri me legjitimitet të plotë qytetarë, do të jemi pjesë e zgjidhjes (të mirë) për vendin. Pengesat e vetëshkaktuara që na përjashtojnë nga ky proces nuk na ndihmonjnë, përkundrazi. Jemi në limit të kohës që të bëhemi pjesë e mbrojtjes dhe avancimit të sovranitetit të vendi tonë”, shkruan Hoti, ndërkohë që kërkon nga Kurti që të heqë taksën, duke e lënë të nënkuptuar këtë gjë.
“Para nesh kemi një proces sfidues të arritjes së Marrëveshjes së Paqes me Serbinë, që si konkluzion ka njohjen reciproke, siç edhe shprehet Sekretari Pompeo në letrën e fundit për Qeverinë e Kosovës. Ballafaqimi me këtë proces është domosdoshmëri e jona, por edhe kërkesë e miqve tanë që na kanë përkrahur për 30 vite rresht, nga kërcënimet e Kërshëndellave e deri tek bombardimet e NATO-s e shpallja e pavarësisë”, shkruan zv/kryeministri i Kosovës nga radhët e LDK. /tesheshi.com/
