Të dielën foli popullin grek dhe zëri i tij uhet të dëgjohet – tha kryetari i partisë më të madhe opozitare në Greqi, Demokracia e Re, Kyriakos Mitsotakis, pas protestës së djeshme në qendër të Athinës kundër Marrëveshjes Prespës me Maqedoninë, e cila i jep kësaj një emër të ri, por sërish me “Maqedoni” brenda – Republika e Maqedonisë Veriore – gjë të cilën nacionlistët grekë nuk e pranojnë, pasi e konsiderojnë këtë si emërtesë e trashëgimisë së tyre gjeografike dhe historike.
Ai shtoi se zëri i popullit duhet së pari të dëgjohet nga kryeministri Aleksis Cipras dhe nga ata që e mbështesin Marrëveshjen e Prespës, që siç tha, “janë gati të votojnë pa mandatin e votuesve të tyre”.
Micotaqis shtoi se marrëveshja, e cila njohu gjuhën dhe identitetin maqedonas, nuk gëzon mbështetjen e partive të tjera.
Ai gjithashtu kritikon qeverinë për përdorimin e gazit lotsjellës gjatë protestave.
“Të dielën, autoritetet nuk menduan të vrisnin qindra mijëra demonstrues paqësorë. Midis tyre ishin familjet, fëmijët e vegjël dhe të moshuarit. Gjithkush duhet të dijë se do të jetë përgjegjës për atë që ndodhi në Sheshin Sintagma. Qëllimi ishte të thyehej protesta”, tha ai.
Ai tha se “shumica artificiale në Parlament është vetëm një numër bosh para miliona grekëve që nuk pajtohen”.
“Propaganda e Syriza-s nuk mund ta fshehë të vërtetën. Kjo është një marrëveshje që ndryshon politikën e jashtme për dekade me radhë, që njeh identitetin maqedonas dhe gjuhën e tyre, duke jua forcuar akoma më shumë irredentizmin”, shton Micotaqis.
Ai thekson se këtë javë, Demokracia e Re, me argumente dhe të forta, do të jetë në ballë kundër ratifikimit të Marrëveshjes së Prespës. /tesheshi.com/
