Çdo ditë e më shumë po rriten zërat se në krye të shtetit, si president i Kosovës duhet të zgjidhet Murat Jashari, anëtar i familjes historike Jashari nga Prekazi.
Është deputeti i pavarur, Gëzim Kelmendi, i cili thotë se Murat Jashari është figura më e përshtatshme për të qenë i pari i vendit.
Kelmendi tha se pozita e presidentit ka për qëllim unifikimin e popullit, dhe sipas tij, kush më mirë se një pjesëtar i kësaj familje emblematike do të luante këtë rol.
“Murati dhe familja Jashari, në krejt periudhën e pasluftës, vazhdimisht kanë kontribuar në unitet, duke thirrje për unifikim të faktorit politikë në Kosovë. Koha për zgjedhjen e presidentit të ri të vendit po afrohet. Murati dhe familja e tij e meritojnë këtë nderë”, ka shkruar Kelmendi në Facebook.
Gjithashtu, Kelmendi tha pak ditë më parë se nuk e përkrah kandidaturën e Hashim Thaçit për president të Kosovës, dhe se nuk do ta votojë këtë kandidaturë kur ajo të paraqitet në Kuvend. /tesheshi.com/
