Deri para pak vitesh as që mund të mendohej që një çeçen t’i gëzohej ndonjë suksesi rus. Është pak a shumë sikur një kosovar t’i gëzohet një suksesi serb. Por ja që lideri çeçen, Ramzan Kadyrov ka shprehur entuziazëm ndaj triumfit rus përballë Spanjës në 1/8-at e Botërorit
Nëpërmjet profilit të tij në rrjetin social rus Telegram, Kadyron uroi trajnerin Stanislav Çerçesov dhe lojtarët.
“Ne besonim dhe besojmë në djemtë tanë! Rusia në çerekfinale! Akinfeev meriton lavdërim të veçantë! Përpara Rusia!”, tha udhëheqësi çeçen.
Entuziazmi patriotik nuk është e vetmja arsye pse Kadyrov është i entuziazmuar. Disa ditë para fillimit të Kupës së Botës, pas një seri humbjesh në takimet miqësore, “Zbornaja” – siç quhet ndryshe kombëtarja ruse, ishte objekt talljejeje nga opinioni.
Gjithçka u përndez nga vargjet ironike të komedianit Semjon Sllepak, “Ole, ole, ole”, një parodi e himnit të tifozëve që vërshoi në rrjete.
Dhe aty Kadyrov ishte përzgjedhur për të qenë një personazh, brenda frymës tallëse ndaj ekipit. Më saktë, propozohej që vendin e Çerçesovit si trajner ta zinte Ramzan Kadyrov-i. Ndaj, tashmë pas çdo triumfi rus në fushë, lideri çeçen ndihet trajner i tyre, krah Çerçesovit. /tesheshi.com/
