Dy liderë shqiptarë kanë hyrë në listimin e portalit amerikan “Hottest Heads of State” për liderët më të pashëm në botë.
Në listë mes 197 “kandidatëve”, kryeministri Edi Rama renditet në vendin 22, në të rrallat raste kur lëmë pas shtete të mëdha të cilave as që i afrohemi kur vjen puna për luftën ndaj korrupsionit, mirëqënies së popullsisë, apo të drejtave të njeriut.
Gjithsesi, në listë përfshihet edhe presidenti Bujar Nishani në vendin e 122-të, ndërsa duket se Rama “rivalizon” mjaftueshëm me presidentin amerikan, Barack Obama, vetëm tetë vende poshtë tij. Kreu i Kremlinit, Vladimir Putin renditet 10 vende poshtë Ramës, e pas tij edhe kryeministri hungarez, Viktor Orban.
Në listë duket se nuk është përfshirë asnjë nga liderët e Kosovës, nga Serbia renditet vetëm presidenti Tomislav Nikoliç, në vend të 136, ndërsa kryeministri i Greqisë, Aleksis Tsipras renditet i 10-i. /tesheshi/
