Liderët katolikë në Jeruzalem paditën në polici kreun e Lehava-s, një grupi ekstremist hebre që bën thirrje për djegien e kishave në Izrael.
Në padinë e dorëzuar në polici, sipas një deklarate, lideri i organizatës hebreje kërkohet që të nxirret para Drejtësisë për shkak se u bën thirrje mbështetësve të djegin kishat katolike në të gjithë Izraelin.
Padia i referohet rasteve të disa sulmeve mbi kisha dhe vende të shenjta katolike nga palë radikale hebreje dhe në të thuhet se në asnjë rast, kriminelët nuk janë sjellë para Drejtësisë.
“Padia është ngritur në emër të më shumë se 20 patriarkëve katolikë dhe arkipeshkëve që shprehin shqetësim për atë që e përshkruajnë si kërcënim në rritje ndaj kishave në zona nën kontrollin e Izraelit.
Javën e kaluar, Gofstein bëri thirrje të hapur për mbështetësit të djegin kishat në izrael, pasi kjo ishte ajo që kërkohej, sipas tij, në Torah në librin e shenjtë hebraik.
Kjo padi e katolikëve vjen mes zemërimit që kanë shkaktuar si në Izrael ashtu edhe në arenën ndërkombëtare, aktet e dhunës nga ekstremistët hebrenj në territoret e pushtuara arabe. /tesheshi.com/
