Ish-presidenti amerikan gjithmonë këmbënguli se pranimi pasiv i seksit oral nuk ishte i barabartë me seksin, shkruan Doug Schoen në kujtimet e tij.
Bill Clinton ishte aq i preokupuar me skandalin Lewinsky, saqë la pas dore çështjen e zjarrtë të gjetjes dhe kapjes së Osama bin Laden, duke i dhënë këtij të fundit mundësinë për të organizuar dhe ekzekutuar sulmin vdekjeprurës në Kullat Binjake. Sa më sipër mbështetet në librin zbulues nga një ish-këshilltar i Shtëpisë së Bardhë, i cili gjithashtu kishte punuar në vitin 1996 si asistent i ish-presidentit amerikan, në kuadër të fushatës së tij për rizgjedhje.
Në librin e tij me kujtime “Power: The 50 Truths”, Doug Schoen – i cili ka punuar si për politikanët demokratë ashtu edhe për republikanë, përfshirë Donald Trump – e quan Clinton-in si “Elvis Presley i politikës amerikane”.
Sipas Schoen, Presidenti i 42-të i Shteteve të Bashkuara ishte një nga politikanët më karizmatikë që ka njohur, duke pasur një aftësi për të nxitur simpatinë dhe mbështetjen e të tjerëve.
Por këshilltari veteran me një karrierë 50-vjeçare nuk mund ta kuptonte kurrë se si Clinton shfaqi një mungesë të tillë disipline në rastin me Monica Lewinsky, asokohe një praktikante në Shtëpinë e Bardhë, një veprim që prishi mandatin e tij të dytë dhe nxiu përgjithmonë reputacionin e tij. “E pashë shembjen nga afër dhe me lëvizje të ngadalta torturuese, nga brenda Shtëpisë së Bardhë. Unë pashë fushatën tinëzare të ‘pëshpëritjeve’ të orkestruara nga Shtëpia e Bardhë për të diskredituar Leëinsky-n,” shkruan Schoen, sipas New York Post.
“Kishte gjithashtu një ndikim serioz në sigurinë kombëtare. Më 20 gusht 1998, Clinton urdhëroi sulme me raketa lundrimi kundër al-Kaedës në Sudan dhe Afganistan si hakmarrje për bombardimin e ambasadave amerikane në Kenia dhe Tanzani. Por bin Laden u largua me Operacionin Ranch Infinite, siç quheshin bastisjet… Në mes të skandalit Leëinsky, administrata Clinton nuk u fokusua mjaftueshëm, duke rezultuar në goditjen e 11 shtatori 2001”, shkruan ai në mënyrë karakteristike.
Skandali seksual që shënoi mandatin e dytë të Clintonit ndikoi gjithashtu në karrierën politike të gruas së tij, argumenton Schoen, duke ia atribuar marrëdhëniet e dashurisë së ish-presidentit pjesërisht me humbjen e Hillary Clinton ndaj Trump në vitin 2016. Pala e Trump përdori pabesinë e Bill Clinton si një “përgjigje” ndaj zbulimeve rreth sjelljes së keqe e kandidatit manjat, p.sh. pas publikimit të komenteve të regjistruara seksiste në të cilat ai thoshte se kishte përdorur “grushtimin e grave”.
“Gjatë kohës që ajo ishte kandidate dhe pas disa skandaleve seksuale, e kaluara e tij ishte si një lak në qafë. Hillary dhe Bill nuk flisnin për një kohë pas humbjes, më thanë njerëzit e afërt të tyre. Ai dukej se e fajësoi atë për humbjen me një diferencë kaq të ngushtë”.
Sipas Schoen, Clinton nuk e kuptoi kurrë se cili ishte problemi me atë që ndodhi. “Deri më sot ai duket i hutuar për bujën që u bë. Kur Lewinsky bashkëprodhoi një mini-serial për rastin në vitin 2021, fakti që ai nuk donte t’i kërkonte faljen që ajo kërkonte ishte thellësisht zhgënjyese për mua,” shkrun ish-këshilltari. /tesheshi.com/
