Kreu i opozitës Basha prezantoi librin e tij “Misioni im”, duke thënë se “politika do dashuri për njerëzit dhe veten, për vendin, një fytyrë njerëzore dhe kjo është një nga arsyet kryesore pse shkruajtja një libër”.
“E ndjeva, erdhi dhe koha se ishte momenti për të shprehur diçka që për nga natyra e kam pasur ta vështirë. Pse e shoh si mision, çfarë më mbanë përballë agresionit të qytetarëve, pse besoj që Shqipëria do ketë sukses”, tha Basha.
Ai më pas shpjegoi se cila ishte arsyeja e futjes në politikë, duke thënë se kjo nisi që në vitet e para ’90, më saktë me fitoren e PD-së më 22 mars ‘92.
Kemi qenë bashkë me disa shokë të gjimnazit dhe bashkë me atë që më vonë u bë bashkëshortja ime, me Aurelën dhe një moment ndërkohë që njerëzit brohorisnin iu përlotën sytë. I thashë çfarë ke, njerëzit po gëzojnë, çfarë ke kemi fituar. Kam frikë tha dhe na u kujtua ’91-shi, ngjarjet e ’91-it, ku pas fitores te PPSH-së pati turbullira, pati viktima mes tyre të rinj.
I thashë çfarë frike, kjo ka mbaruar, fituam. Jo, jo tha, kam frikë nga gjithë ky gëzim i njerëzve. Thashë pse ke frikë nga ky gëzim i njerëzve. Kam frikë tha sepse kam frikë mos zhgënjehem.
Më ka mbetur në mendje kjo thënia dhe më ushtoi nga brenda si një thirrje që s’më la asnjëherë në subkoshiencë. Më është kujtuar kur përfunduam librin, kur libri ishte gati dhe e çuam për print më është kujtuar dhe e ndava me të. I thashë të kujtohet kjo, mbeti dhe tha po më kujtohet si ka mundësi e mban mend diçka që ka ndodhur kaq kohë përpara.
E mbaj mend i thashë sepse është ndoshta një nga motivet që më shtyu të përfshihesha, mos ti zhgënjenim më njerëzit, të bënim gjithçka që shpresat e tyre për një jetë normale, për një Shqipëri normale, për një Shqipëri Europiane, të mos zhgënjeheshin. Dhe ky ka qenë motivi kryesor i futjes në politikë, ky ka qenë motivi kryesor që nuk më ka shkëputur në asnjë moment interesin nga politika në Shqipëria ndonëse kam jetuar për pothuajse 11 vjet larg saj. Së pari në Hollandë me studime dhe pastaj për afro katër vjet e gjysmë në Kosovë me misionin e OKB-së. Ideja që ky vend e meriton”, tha Basha.
Nga ana tjetër, kanë nisur dyshimet nëse libri është shkruar vërtet nga Basha, pasi tej ngjasimit me Ramën në këtë pikë, njeriu që udhëheq PD-në nuk ka shfaqur kurrë shenja zelli për të shkruar apo për t’u shprehur.
Ideja që ai mund të shkruajë një libër, ka qenë e huaj dhe inegzistente deri më sot. /tesheshi.com/
