Ashtu siç pritej, libri i ish-kreut të FBI-së, James Comey ka shkaktuar një skandal të madh në SHBA.
I shitur ende pa mbërritur në libraritë e SHBA-së, duke arritur një rekord, libri “A Higher Loyalty: Truth, Lies and Leadership” e cilëson Donald Trump një“immoral, prepotent dhe asnjëherë i lidhur me të vërtetën”.
Në 300 faqe libër, Comey tregon me hollësi të gjithë marrëdhënien e shkurtër por traumatike me presidentin e SHBA, i cili e pushoi nga puna pasi i kërkoi të mbyllë çështjen e ndërhyrjes ruse.
Edhe pse Comey, një republikan i djathtë nga formimi, i dha Trump-it një dorë të madhe në fushatë duke hapur çështjen e email-eve ndaj Hillary Clinton, ai u përplas egër me presidentin që në ditët e para.
Comey e paraqet kërkesën e Trump për besnikëri ndaj tij si sjellje e një “bosi që kërkon kontrollin total, të rrethuar nga persona që i betohen për besnikëri të verbër dhe veprojnë në heshtje absolute”.
Ish-kreu i FBI-së ka qenë i shqetësuar nga faktet që mund të ketë Moska mbi të për netët që Trump ka kaluar me gra ruse në hotelet e Moskës, përpara se të bëhej president i SHBA-së. /tesheshi.com/
