Ervin Salianji është tipiku i një politikani që nuk rrezaton kurrfarë formimi ardhur nga leximi. Libri ngjan më i papërputhshmi me të. Ligjërimi i varfër, etika e munguar komunikative, boshësia botëkuptimore, logjika e rëndomtë, e shpërfaqin atë si një individ qartazi të palexuar.
Mirëpo një koleg i tij deputet, nga radhët demokrate, Dashnor Sula, thotë se e ka vizituar në burg dhe e ka gjetur me libra. Por siç e pohon vetë ai, nuk kanë qenë libra letrarë. Çfarë kanë qenë atëherë? Politikë? Gjeopolitikë? Ekonomikë? Filozofikë, Historikë?
Në fakt asnjëri prej këtyre. Sipas përshkrimit të Sulës, ja se çfarë librash po ka ndër duar Salianji në kushte qelie: “E kam parë me dy libra, jo letrarë. Një ishin fjalimet e Kuvendit që ka patur, aktivitetin politik ku po nxirrte materiale. Po studionte edhe deklaratat që kanë bërë kundërshtarët tanë politikë, është duke punuar fort”, citohet të këtë thënë vizitori i tij demokrat në qeli, pa thënë se si titullohen këto libra që ai përmend. /tesheshi.com/
