Kaosi është bashkëshoqëruesi i Libisë që prej rrëzimit dhe vrasjes së Gaddafit shtatë vite të shkuara. Qeverisja e vendit mbetet ende problemi kryesor, ndërsa atë e pretendojnë dy grupime rivale, si dhe një sërë milicish.
Në vazhdën e incidenteve të vazhdueshme në këtë vend, më e pakta shtatë veta u vranë dhe njëzet të tjerë u plagosën në orët e vona të së enjtes në një sulm me një makinë-bombë në qendër të Bengazit.
Shpërthimi ndodhi në një rrugë të populluar, pranë hotelit “Tibesti”, ku shumë njerëz mblidhen gjatë muajit të shenjtë të Ramazanit.
Asnjë grup nuk e ka marrë ende përgjegjësinë, por një zyrtar lokal i sigurisë i ka deklaruar AFP-së se kryerësit e sulmit janë celula terroriste që duan të dërgojnë mesazhin se Bengazi nuk është i sigurt.
Qyteti është e vetmja pjesë e lindjes së Libisë që mbetet jashtë kontrollit të Ushtrisë Kombëtare Libiane, që ka mbështetjen e Egjiptit dhe të Emirateve të Bashkuara Arabe. /tesheshi.com/
