Ministri i Jashtëm izraelit, Avigdor Liberman, pasi njoftoi dorëheqjen nga detyra e tij, ai tha se nuk do të marrë pjesë edhe në koalicion
Liberman në një konferencë për shtyp bëri të ditur se: “Fatkeqësisht, konstatova se qeveria e re që do të krijohet nuk i shërben interesave kombëtare dhe arrita në përfundimin se ajo do të shfaqë një qeverisje ‘oportuniste’”.
Liberman i cili njoftoi se është tërhequr nga bisedimet e koalicionit dhe se ka dhënë dorëheqjen nga detyra e Ministrit të Jashtëm, tha se dorëheqjen do t’ia paraqesë në orët e ardhshme KryeministritBenjamin Netanyahu.
Kryeministri Netanyahu ka afat për të krijuar qeverinë e re deri më 6 maj. Edhe pas tërheqjes së Partisë “Izraeli Shtëpia Jonë” e udhëhequr nga Liberman, parashikohet se Netanyahu do të krijojë qeverinë e re me koalicionin e partive “Shtëpia Izraelite”, Kulanu (Të gjithë ne), Shas dhe Unioni Hebre Tora. Pritet që numri i vendeve të partive të koalicionit të arrijë në 61.
