Pas shumë lajmeve që qarkulluan ditëve të fundit sidomos në mediat serbe se Liberia ka hequr njohjen për Kosovën, më në fund ka reguar ky shtet që përmes një deklarate dërguar Ministrisë së Jashtme të Kosovës me ç’rast ka hedhur poshtë një gjë të tillë.
“Liberia ishte njëri nga vendet e para, që njohu sovranitetin e Kosovës me 30 Maj 2008, pas shpalljes së deklaratës së Pavarësisë dhe mbetet e përkushtuar tek Deklarata e Përbashkët mbi Vendosjen e Marrëdhënieve Diplomatike. Të dy vendet vazhdojnë të gëzojnë besim të ndërsjellë dhe miqësi”, thuhet në deklaratën për shtyp të publikuar në faqen zyrtare të MPJ-së së Liberisë.
Kjo deklaratë thotë ndërkohë Ministria e Jashtme e Kosovës se “është një dëshmi bindëse kundër lajmeve të rreme dhe propagandës së egër dhe të vrazhdë serbe kundër Kosovës, ashtu siç u dëshmua me shtetin e Guinea Bissau, Ganën dhe vende të tjera”. /tesheshi.com/
