Dronët janë bërë një simbol i fuqisë në rritje të Turqisë dhe pavarësisë së saj në rritje, sipas të përditshmes franceze Liberation.
“Dronët e tyre janë të lirë, të besueshëm dhe përdoren nga një ushtri me përvojë. Ata janë bërë një nga faktorët kryesorë në suksesin e Ankarasë”, shkroi gazeta e njohur franceze, e një vendi ku dhe politika zyrtare përshkohet nga turkofobia.
Duke kujtuar se dronët TB2, të prodhuar nga Bayraktar, përdoren në Turqinë juglindore, Irakun verior, Siri, Libi dhe Kaukaz, Liberation thotë se dronët luajnë një rol të rëndësishëm në politikën e jashtme të Turqisë dhe dobësimin e organizatës terroriste PKK.
Theksohet se droni turk mund të fluturojë deri në 27 orë dhe se ka kapacitet për të mbajtur katër raketa me precizion të lartë, dhe kushton më pak se droni amerikan.
Dronët turq u përdorën gjithashtu në Sirinë veriperëndimore në shkurt dhe gazeta franceze tha se ata madje arritën të shkatërronin pajisjet ruse anti-ajrore. /tesheshi.com/
