Gjykata speciale për Libanin e mbështetur nga KB, dënoi në mungesë operativin e Hezbollahut Salim Ayache me pesë burgime të përjetshme radhazi për vrasjen e vitit 2005 të ish-kryeministrit Rafik Hariri dhe 21 të tjerëve.
Operativi i Hezbollahut kishte një rol “qendror”, “udhëheqës” në ekipin e vrasësve që ishte “çelësi i vrasjes”, tha gjykata.
Vrasja e Haririt në 2005 duke përdorur një makinë me një bombë me fuqi të madhe shkatërruese tronditi Libanin, duke provokuar demonstrata në shkallë të gjerë dhe presion ndërkombëtar që çuan në tërheqjen e trupave siriane nga vendi, 30 vjet pas mbërritjes së tyre gjatë luftës civile libaneze.
Hariri po punonte për të zvogëluar ndikimin sirian në politikën libaneze në kohën kur u vra, së bashku me 21 persona.
Hezbollah ishte aleati më i afërt i Sirisë në Liban.
Ayache u dënua me akuzat e konspiracionit për të kryer një akt terrorist, kryerjen e një akti terrorist me një mjet shpërthyes dhe vrasje me paramendim të Haririt.
Për më tepër, ai akuzohet për vrasjen me paramendim të 21 personave dhe për vrasjen me dashje të qëllimshme të 226 personave.
Ayache nuk u kap kurrë dhe besohet të jetë nën mbrojtjen e Hezbollahut, udhëheqësi i të cilit Hassan Nasrallah e përshkroi atë, si dhe tre anëtarëve të tjerë të Hezbollahut që u gjykuan për krimin (dhe nuk u gjetën fajtorë) si “njerëz të nderuar të rezistencës”.
Një gjykatë speciale lëshoi një urdhër arresti për Ayache në 2011. /tesheshi.com/
