Vritet një efektiv i Forcave të Ndërhyrjes së Shpejtë të Shkodrës gjatë një operacioni në fshatin torovicë në Lezhë për arrestimin e një Personi me probleme mendore.
Sipas të dhënave të policisë, David Qosja, banues në Torovicë ka nisur të qëllojë me armë automatike në ajër.
Banorët kanë njoftuar menjëherë policinë.
Policia lokale e Lezhës ka kërkuar ndihmën e Forcave të Ndërhyrjes së Shpejtë të Shkodrës, të cilat kanë bërë rrethimin e banesës së personit për neutralizimin e tij.
Por Qosja u është kundërpërgjigjur duke qëlluar me armë zjarri në drejtim të uniformave blu dhe FNSH dhe gjatë të shtënave ka mbetur fillimisht i plagosur efektivi i FNSH, Ardian Kodra, 50 vjeç.
Kodra është shoqëruar menjëherë në spital, por nuk u ka mbijetuar plagëve të marra nga breshëria e plumbave.
Policia e Lezhës thekson se David Qosja njihet në zonë si person me të çrregullime mendore, megjithëse nuk ka asnjë dokument zyrtar nga spitali për këtë.
/tesheshi.com/
