Në një proces elektoral, tendenca e numërimit të votive shihet në 10 kutitë e para.
Nëse ka një qëndrueshmëri vijuese, atëherë trendi qëndron, përndryshe kemi të bëjmë me përmbysje të herë pas hershme dhe rezultat surprizë deri në foto finish.
Në Dibër ende nuk është numëruar as 50 përqind e kutive.
Por deri në këtë moment, Muharrem Rama, kandidat i mazhorancës është dukshëm në krye, madje duhet thënë bindshëm ndaj kandidatit të opozitës, Sherefedin Shehu.
Matematikisht rezultati mund të përmbyset, por politkisht Rama po shkon drejt fitores.
Kjo pasi është në krye që në fillim dhe kur janë numëruar disa zona që kanë qenë në disfavor për PS-në në zgjedhjet e kaluara.
Rezultati mund të sjellë edhe surpriza, pasi kjo garë është, por deri tani mund të nxjerrim një përfundim që mazhoranca ka ruajtur madje ka forcuar pozitën e saj.
Në një zonë ku më 21 qershor 2015 PS-ja e fitoi me vetëm 200 vota më shumë.
Ç’ka ndodhur?!
Ka ndodhur që kandidati i mazhorancës ka qenë sipas të gjitha gjasave një zgjidhje e pranueshme.
Ka ndodhur siç ndodh rëndom në zgjedhjet e pjesshme, ku kandidati i pushtetit ka precedent.
Kanë ndodhur shumë gjëra por mund të thuhet hapur deri tani se s’ka ndodhur përmbysja që kërkonte Lulzim Basha.
Madje edhe në një zonë kur LSI nuk dha hapur e fort mbështetjen e saj.
Elektorati i Dibrës, si çdo zonë ka votuar kandidatin dhe kjo është një tregues që politika duhet ta ngulisë mirë.
Të mos harrojmë precedentin eVorës, kur fitoi Fiqiri Ismaili i PD-së kur kishte gjithë pushtetin kundër. Pse?
Sepse njerëzit vlerësojnë kandidatin.
Sherefedin Shehu ka shumë premisa pozitive, por ai nuk ishte as votues i Dibrës.
Burime të tesheshi.com bëjnë të ditur se kanë qenë njerëz të opozitës që e kanë nxitur profesorin e ekonomisë ta bëjë regjistrimin, por Sherefedin Shehu nuk ka pranuar duke ruajtur parimet.
“Nuk do gënjej veten e dibranët, ata më njohin nëse duan të më votojnë”, ka thënë profesor Sheroja.
Por nuk është fare faji i Sherefedin Shehut.
Të ishin zgjedhje të përgjithshme, sipas të gjitha gjasave zoti Shehu do të fitonte, por fati i tij ishte se ishte kandidat në një kohë kur varej fati i Lulzim Bashës dhe Edi Ramës.
Por ndërkohë bëhej fjalë për zgjedhjen e kryetarin e bashkisë së Peshkopisë.
Muharrem Rama po merr mbështetje si individ më shumë se si socialist.
Dhe kjo është shumë e rëndësishme për të kapur thelbin.
Shqipëria kërkon një sistem mazhoritar që ta shohë vetë kandidatin dhe jot ë zgjedhë njerëz listash që caktohen nga qendra.
Dibra por edhe zona të tjera e kanë dhënë shpesh këtë mesazh, por nuk e ka kuptuar politika në Tiranë.
Që kujton se i fiton zgjedhjet me propagandë kasetash.
Çdo të ndodhë tani?!
Duhet pritur, pasi ka shumë mesazhe dhe pasoja që dalin nga votimet e Dibrës.
Por mesazhi i parë politik është që po rikthehet dëshira e zgjedhësve për integritetin e ndershmërinë. Që zoti Muharrem Rama duket se e zotëron.
Jo keq përpara zbatimit të reformës në drejtësi…
/tesheshi.com/
