Duket si përrallat arabe, mirëpo ndodh në ditët e sotme, jo më larg se në qytetin e Erzurumit në Turqi.
Eshtë i njohir ky qytet edhe për sportet dimërore, njëkohësisht edhe për një traditë disashekullore, atë të kryerjes së leximit të të gjithë Kur’anit përgjatë një muaji dimëror, gjë e cila kryet nga 50 xhamitë e zonës.
Gjithashtu, e veçanta e kësaj tradite është se hafizët e kryejnë këtë lexim hipur mbi kalë.
Si filloi kjo traditë?
Pas rënies së një tërmetit i cili e shkundi fort qytetin para 500 viteve, guvernatori i asaj kohe vendosi traditën e kryerjes së 1001 leximeve përgjatë një muaji në stinën e dimrit.
Leximi Kur’anit mbi kuaj, në një dorë frerin dhe në tjetrën Kur’anin, simbolizon mosbraktisjen e librit të Zotit edhe në rrethana dhe kushte ektreme si moti i ftohtë, të gjendurit të pastrehë dhe mbi kalë, në gatishmëri për t’u larguar nga zona e rrezikut, duke kalëruar për të gjetur strehim dhe ushqim etj.
Edhe këtë vit, kjo lloj tradite nuk u ndërpre: përmes një ceremonie simbolike u shpall nisja e muajit të leximit të Kur’anit nën slloganin “Qëndro në shtëpi, qëndro me Kuran!”. Kjo dhe për shkak të situatës pandemike. Ishte kryemyftiu i zonës ai që këshilloi aplikimin e kësaj tradite në shtëpi, ndryshe nga herët e tjera, duke theksuar se shëndeti vlen mbi të gjitha. /tesheshi.com/
