Sulmuesi i Barcelonës, Robert Lewandowski, ka përsëritur se dëshiron që Lionel Messi të kthehet në Camp Nou.
Polaku dha një intervistë për Mundo Deportivo në të cilën e ftoi sërish argjentinasin të rikthehej, gjë që nuk ishte hera e parë.
“Leo Messi i përket Barcelonës dhe të gjithë e dinë këtë. Nuk e di se çfarë do të ndodhë, por shpresoj që të luajmë së bashku në skuadër sezonin e ardhshëm. Do të ishte e pabesueshme nëse ai luan përsëri në Barcelonë dhe të gjithë e dimë se ky është i vetmi vend për të”, tha ai.
Kujtojmë se Messi tashmë ka vendosur të mos rinovojë kontratën me Paris Saint Germain dhe është në pritje të një oferte zyrtare nga Barcelona, raporton SCsport.
Megjithatë, këtë herë klubi katalanas dëshiron të zgjidhë të gjitha pengesat me La Liga-n në lidhje me regjistrimin e tij. /tesheshi.com/
