Duke shënuar një zhvendosje drakoniane në politikën amerikane, Donald Trump lëshoi një urdhër ekzekutiv me anë të të cilit u mohon hyrjen në Shtetet e Bashkuara refugjatëve dhe emigrantëve nga disa vende me shumicë muslimane.
Me një të rënë të lapsit, presidenti nënshkroi atë që konsiderohet “veting ekstrem” që synon të mbajnë larg të ashtëquajturt terroristët nga Shtetet e Bashkuara, detajet e të cilit janë shumë më të ashpra nga sa priteshin.
Veprimi i paprecedent i Trump do të mbyllë në mënyrë të papërcaktuar kufijtë e Amerikës për refugjatët që largohen nga kriza humanitare në Sirinë e shkatërruar nga lufta dhe vendos “de facto” ndalimin e udhëtimit të muslimanëve drejt SHBA nga disa pjesë të Lindjes së Mesme dhe Afrikës së veriut duke u dhënë prioritet në këtë mënyrë edhe pretendimeve të refugjatëve për persekutim mbi baza fetare.
“Po vendosim masa të reja skanimi, për të mbajtur terroristët jashtë Shteteve të Bashkuara”, tha Trump gjatë një vizite në Departamentin e Mbrojtjes. “Nuk i duam ata këtu. Duam të sigurohemi që të mos pranojmë në vendin tonë pikërisht kërcënimet për të cilat burrat dhe gratë amerikane po luftojnë jashtë territorit”.
Gati dy orë më vonë, Shtëpia e Bardhë bëri publik urdhërin e tij ekzekutiv, të titulluar “Mbrojtja e Kombit nga hyrja e terroristëve të huaj në Shtetet e Bashkuara”.
Urdhëri vendos në zbatim një bllokim 90-ditor të hyrjes në SHBA për të gjithë qytetarët nga Iraku, Irani, Siria, Jemeni, Sudani, Libia dhe Somalia. Nuk është e qartë nëse masat do të zbatohen edhe pë rata qytetarë nga këto vende, kur udhëtojnë jashtë, edhe pse kanë tashmë leje qëndrimi dhe pune në SHBA.
Urdhëri ndërpret pranimin e të gjithë refugjatëve në SHBA për një periudhë 120 ditore dhe përfundon në mënyrë të papërcaktuar pranimin e të gjithë refugjatëve nga Siria, ku lufta pesëvjeçare kundër regjimit të presidentit Bashar Al Assad ka sjellë më shumë se 5 mijë vdekje nga ardhët e civilëve dhe ka krijuar një zhvendosje të rreth 11 milionë sirianëve.
Urdhëri gjithashtu vendos tavan për hyrjen e refugjatëve në SHBA gjatë vitit 2017 deri në 50 mijë persona, më pak se gjysma e shifrës së një viti më parë.
Lëvizja që duket se del në kundërshtim me parimet e kushtetutës amerikane për të mos diskriminuar mbi bazën e besimit, përmbush një nga zotimet që Trump bëri gjatë fushatës për të kufizuar emigracionin musliman në Shtetet e Bashkuara.
“Ne dëshirojmë të pranojmë në vendin tonë ata që mbështesin vendin dhe e duan thellësisht popullin tonë”, tha Trump.
Kur ishte kandidat për presidenti, Trump në mënyrë të vijueshme u zotua të ndalte hyrjen e refugjatëve të luftës nga Iraku dhe Siria dhe bëri thirrje për “një mbyllje të plotë dhe përfundimtare” ndaj emigracionit musliman, propozime që ndeshën kritika të gjera nga të gjitha partitë politike.
Nga ana tjetër, vetë presidenti ka thënë se minoritetet fetare jo-muslimane do të kenë prioritet në hyrjen në SHBA. Gjatë një interviste me një rrjet kristian televiziv, ai tha se administrata do të theksojë ndihmën për të krishterët e persekutuar në Lindjen e Mesme dhe Afrikën e Veriut.
“Nëse ishe musliman, mund të hyjë në vend, por nëse ishe një kristian ishte gati e pamundur dhe arsyeja ishte shumë e padrejtë”, deklaroi ai në një artikulim që rezulton i pavërtetë.
Edhe pse ISIS ka shënjestruar anëtarë të minoriteteve fetare në Siri dhe Irak, përfshirë të krishterët dhe jazidët, pjesa më e madhe e viktimave të tij kanë qenë muslimanë.
Përgatiti: Juli Prifti – /tesheshi.com/
